Sizmiologu i njohur grek, Aleksis Tselentis i cili u komentua disa kohë më parë në lidhje me parashikimin që bëri se një tërmet apokaliptik mund të godiste Ballkanin, ka dhënë një lajm të mirë për shqiptarët sot, pas lëkundjeve të fuqishme në vendin tonë.
Në një lidhje telefonike me gazetarin Enkel Demi në studion e Abc News, Tselentis foli për tërmetin e fortë të paradites së sotme, duke qetësuar gjithashtu shqiptarët pasi u shpreh se vala e tërmeteve do të zbutet.
Ai deklaroi se ky ishte “piku më i lartë” i valës së tërmeteve që priteshin dhe pasgoditjet do të pakësohen dhe do të kenë një intensitet më të ulët.
