LIGJET E BIZNESIT
Mëngjesin e sotëm policia ka parandaluar një krim brenda familjes në Lezhë.
Mësohet se një 36-vjeçar ka kërcënuar me kallashnikov të vëllanë.
E gjithë situata ka ardhur pas një sherri për motive pronësie, ku i riu ka kapur armën dhe ka qëlluar disa herë në ajër.
Sapo në vendngjarje ka mbërritur policia, ai ka hedhur armën dhe është larguar nga banesa.
Uniformat blu bëjnë me dije se pas disa orësh ndjekje, kanë arritur të kapin shtetasin E.P. në malin e Troshanit, si dhe sekuestrimi i 1 arme zjarri kallashnikov me 2 krehëra dhe 354 fishekë luftarakë.
NJOFTIMI ZYRTAR I POLICISE
Policia parandalon pëshkallëzimin e mëtejshem të një konflikti në familje
Falë reagimit në kohë e me profesionalizëm, dhe pas disa orë ndjekjeje u kap në malin e Troshanit personi që kanosi vellain me armë zjarri.
Sekuestrohen 1 armë zjarri kallashnikov me 2 krehëra dhe 354 fishekë luftarakë
Specialistët e Seksionit për Hetimin e Krimeve në Komisariatin e Policisë Lezhë, bënë arrestimin në flagrancë të shtetasit:
E.P., 36 vjeç ,banues në fshatin Troshan, Lezhë.
Ky shtetas, në oborrin e banesës, për motive pronësie, ka kanosur me armë zjarri vellain e tij, shtetasin K.P.,30 vjeç, duke qëlluar në ajër disa herë.
Policia e Lezhës mënjëherë pas marrjes së njoftimit se në fshatin Troshan, Lezhë, ka konflikt në familje dhe të shtëna me armë zjarri, ka shkuar në vendgjarje.
Në momentin që ka parë Policinë 36 vjecari ka hedhur armën dhe është larguar me shpejtësi nga banesa.
Shërbimet e Policisë janë vënë në ndjekje dhe pas disa orësh ndjekjeje, kanë mundur të bejnë lokalizimin dhe kapjen e shtetasit E.P. në malin e Troshanit, Lezhë.
Në cilësinë e provës materiale u sekuestrua dhe arma e zjarrit automatik dhe 354 fishekë.
Materialet procedurale i kaluan Prokurorisë së Rrethit Gjyqësor Lezhë, për veprime të mëtejshme për veprat penale “Kanosja” dhe “Armëmbajtje pa leje”.
