LIGJET E BIZNESIT
Tashmë fjalimet epike dhe qesharake të politikanëve janë bërë një fenomen i zakontë, por edhe pse jemi mësuar me to, përsëri arrijnë të shkaktojnë hilaritet te publiku.
E njëjta gjë ka ndodhur së fundmi edhe me kryetarin e ri socialist të Bashkisë Kamëz dalë nga votimet e 30 qershorit, Rakip Suli.
Në një bashkëbisedim me qytetarët Suli ka diskutuar temën “Pasqyrimi i 100 ditëve të para në drejtimin e Bashkisë Kamëz”.
Për një moment ai nuk është përmbajtur teksa po analizonte punën e mëparshme që është bërë në këtë Bashki duke ironizuar se kur ka qenë Xhelal Mziu aty ka patur vetëm një fadromë dhe është bërë ‘shumë punë’.
Gjatë kësaj kohe ai e ka shoqëruar fjalimin edhe me pasthirrma : Papapam, pipipim, papapam.
Në këtë moment të pranishmit në sallë nuk e kanë mbajtur dot veten dhe kanë shpërthyer në të qeshura.
“Gjendja e mjeteve, shumë mjete kanë, arsenal. Një fadromë e vitit ’80, me atë fadromën e keqe, pipipim, papapam, papapam, kemi bërës shumë kanale. Kemi bërë shumë punë dhe kur më tha një biznesmen sa ka shkuar kjo, i thashe, jo mo jo miku im 10 mln të vjetra. Ky eskavatori nuk është i joni e morrëm borxh te bordi i kullimit për nja dy muaj, e gjithë kjo punë që shikoni ju është zero, zero lekë nga qytetarët e bashkisë së kamzës. E shikoni ça punë është bërë pa para pa lefta, siç thoni ju”, deklaroi Rakip Suli në fjalimin epik që do të mbahet mend gjatë.
Momenti ne minuten e 28, ndiqeni:
