Një skandal i vërtetë mund të quhet ai që ka ndodhur në kampionatin shqiptar të basketbollit për meshkuj.
Në sfidën e djeshme mes Teutës dhe Tiranës ka ndodhur një dhunë e paprecedentë.
Protagonist ishte lojtari i Tiranës, Bruno Daliu, i cili në një moment nervozizmi iu afrua njërit prej arbitrave, Jurgen Muho dhe ka nisur ta godasë atë me grushte.
Është dashur të ndërhynin lojtarët e tjerë të basketbollit në mënyrë që të shuhej sherri.
Pamjet e tmerrshme bënë menjëherë xhiron e rrjetit, ndërkohë që ndeshja u fitua nga ekipi i Teutës me shifrat 98-86.
