Pamje e dhimbshme/ Gruaja ngujohet në tarracë, nuk pranon shembjen e banesës (FOTO)

Pamje të rënda vijojnë të dalin nga aksioni i IKMT për prishjen e banesave në Unazën e Re në Tiranë.

Një grua është ngujuar në tarracën e katit të tretë të banesës së saj dhe refuzon shembjen e ndërtesës.

Mësohet se policia dhe IKMT kanë stakuar dhe energjinë elektrike në mënyrë që të vijojë aksioni i prishjes së objektit.

Deri tani sipas informacioneve janë shembur 3 objekte ndërsa në total numri i tyre pritet që të shkojë sot në 13.

Nga ana tjetër numri i personave të plagosur ka shkuar në 13, mes të cilëve 5 janë policë dhe 8 të tjerët janë banorë.