Edhe presidenti Ilir Meta ka reaguar pas shkarkimit të anëtarit të Gjykatës Kushtetuese nga KPA ditën e sotme.

Meta ka ripërsëritur propozimin se do të dërgojë vendin në referendum lidhur me situatën e krizës së thellë politike që e ka kapluar së fundmi.

Ndër të tjera ai sulmoi edhe disa prej përfaqësuesve ndërkombëtarë me detyrë në Shqipëri.

Kreu i Shtetit nuk ka kursyer as Taulant Ballën, i cili deklaroi se çështjen e Gjykatës Kushtetuese me gjithë ngërçin e krijuar do ta dërgojë në Komisionin e Venecias.

Ndër të tjera Meta ka folur edhe për presionet që i ka bërë Viktore Tushës e cila ka ndejtur me shumë sforco si anëtare e Gjykatës Kushtetuese në mënyrë që dyeret e saj të mbeteshin të hapura.

”Nuk jam i habitur nga ky vendim i KPA-së. Ka patur presione poltike direkte dhe indirekte ndaj zotit Muçi për t’u bërë pjesë e puçit për të bllokuar zonjën Xhaferllari që të ushtrojë detyrën.

Besoj sen nuk keni harruar deklaratën e zotit Xhafa që i binte presion zonjës Tusha, e cila ka ndenjur me shumë sforco anëtare e GJK-së në mënyrë që dyert e saj të mbeteshin të hapura. Rama dhe palaçot donin ta bllokonin.

SHBA-ja janë si yll, si shpirt, se me ata i kemi bërë Kushtetutën. I kam ftuar Agaçin, Ramën etj., të vijënë me ekspertët të sjellin propozimet e tyre.

Ka vetëm një zgjidhje: referendumi. Unë të dalë me të gjithë shqiptarët për të mbajtur sovranietin, Rama me të rijët më vete. Nesër është 21-vjetori i votimit të Kushtetutës .Rama me disa palaço ndërkombëtare duan të minojnë balancën e pushteteve. Larg duart nga Gjykata Kushtetuese. Ata hipokritët që duan të çojnë çëshjen në Venecia, të çonin votimin e Arta Markut me 69 vota si prokurore. Kanë hallin të shpëtojnë Dvoranin, se nuk e bën të gjithë lojën vetëm ai.

‘Rule of law’. Blushi im e ka dhënë mesazhin qartë, SHBA është këtu, jo te rruga e Elbasanit”, është shprehur Meta pas takimit me ish-presidentin Bujar Nishani.