Pak pas takimit me Besnik Muçin, Meta lajmëron konferencën urgjente

Pak pas përfundimit të takimit me anëtarin e Gjykatës Kushtetuese Besnik Muçi, presidenti Ilir Meta njofton se do të dalë në një konferencë të jashtëzakonshme për shtyp në orën 18.30.

Lajmi është bërë i ditur nga zyra e shtypit pranë Kreut të Shtetit ku thuhet:

‘Presidenti i Republikës Sh.T.Z Ilir Meta do të zhvillojë sot në ora 18:30 një konferencë te jashtezakonshme per shtyp!’.

Kujtojmë se sot gjatë takimit me ish-gjyqtarin Besnik Muçi, të cilin e dekretoi në tetor si anëtar të Gjykatës Kushtetuese, presidenti Ilir Meta i kërkoi të tërhiqej dhe të rishikonte dhe njëherë qëndrimin e tij.