Mbrëmjen e djeshme dy të rinj shqiptarë janë arrestuar nga policia italiane pasi tentuan të grabisnin dy aparamente në rrugën Via della Mendola.
Sipas mediave italiane shqiptarët janë të moshës 34 dhe 28 vjeç dhe identiteti i tyre nuk dihet ende.
Mbi dy të rinjtë e arrestuar tashmë rëndojnë veprat penale vjedhje e rëndë dhe posedim i mjeteve të përshtatshme për grabitje.
Në momentin që ata kanë parë praninë e policisë rreth zonës, kanë tentuar të arratiseshin në drejtim të një fshati aty pranë.
Por aventura ka zgjatur vetëm për pak, pasi u bllokuan nga disa policë të veshur si civilë në Nova Levante.
Disa qytetarë e kanë parë gjithë skenën duke vënë re se shqiptarët tallnin policinë duke bërtitur dhe qeshur sikur nuk do të arrestoheshin kurrë.
“Nuk na kapni dot, nuk na kapni dot”, thërrisnin shqiptarët e ekzaltuar përpara se të arrestoheshin.
Tashmë të dy të arrestuarit janë transferuar në burgun e Bolzanos në pritje të një dënimi në bazë të akuzave që rëndojnë mbi ta.
