LIGJET E BIZNESIT
Ka nisur sot në Komisionin e Posacëm të Apelimit seanca për gjyqtarin e Gjykatës Kushtetuese Besnik Muçin.
Komisioneri Publik bëri ankimimin pasi Muçi u konfirmua në detyrë nga KPK, pasi personi të cilit Muçi i kishte blerë shtëpinë rezultonte i dënuar për moskallëzim krimi.
Gjatë seancës së kaluar, KPA mori vendimin që ta shtynte atë pasi kërkoi informacion nga Prokuroria e Krimeve të Rënda dhe Prokuroria e Tiranës në lidhje me deklasifikimin e një materiali sekret shtetëror.
Por sot, gjatë seancës janë kthyer përgjigjet, të cilat i janë përcjellë Komisionerit publik dhe subjektit nën hetim. Mësohet se në fjalën e tij, në KPA Muçi është shprehur se dënimin rezultoi se për shtetasit e paraqitur nga ana juaj nuk kam kryer veprime proceduriale. Në 2002-2006 kur unë kam qenë prokuror në Tiranë nuk kam trajtuar asnjë procedim për shtetasin A. L. Për këtë shkak unë nuk kam asnjë konflikt interesi. Mua më ka kontaktuar shtetasi A.L. dhe më ka vënë në dispozicion një vendim për mosfillimi procedimi penal ndaj tij për “moskallëzim krimi”.
BISEDA NE SEANCEN E SOTME
KPA: Kur keni ardhur në dijeni të faktit që shtetasi A.L ka qenë i përfshirë në procedime penale?
Muçi: E kam mësuar vetëm pas sjelljes së raportit te DSIK. Ai sot është një nga taksapaguesit me të mëdhenj të bashkisë Tiranë dhe një nga punëdhënësit më të mëdhenj.
Muçi u propozuar për Kushtetuesen nga vetë presidenti Ilir Meta, për t’u emëruar disa ditë më pas edhe pse gjyqtari ende nuk i ka mbyllur llogaritë me Vettingun. Në dekretin e emërimit të tij, Meta bënte me dije se Muci i plotësonte të gjitha kriteret për të qenë pjesë e Gjykatës Kushtetuese dhe shtonte se emri i tij kishte ardhur nga Këshilli i Emërimeve në Drejtësi.
