Një ditë pas takimit me opozitën, ja kush e viziton sot në zyrë presidentin Meta

Një ditë pas takimit me liderët e opozitës jashtë parlamentare dhe më pas me ish-presidentin Rexhep Mejdani, mësohet se presidenti Ilir Meta do të ketë një takim me tre ish-presidentët e vendit: Bujar Nishani, Alfred Moisiu dhe Bamir Topi.

Fokusi i këtij takimi do të jetë mendimi që do t’u marrë Kreu i Shtetit paraardhësve të tij për të arritur në një mendim kolegjial nëse presidenti mund të shpërndajë Parlamentin,  pasi përcaktimi kushtetues në nenin 96, pika 4, i jep të drejtë Presidentit ta shpërndajë Parlamentin vetëm “kur Kuvendi nuk arrin të zgjedhë Kryeministrin e ri”.

“Parlamenti një ditë do të shpërndahet, nuk është ky problemi, puna është se ky Parlament kot sa rri edhe një ditë më shumë në këtë mënyrë si sillet. Ju e dini shumë mirë se Parlamenti shpërndahet gjithmonë me dekret të Presidentit”, deklaroi Meta.