LIGJET E BIZNESIT
Një ngjarje e rëndë ka ndodhur në qytetin e Rrëshenit mbrëmjen e djeshme.
Mësohet se një studente i ka dhënë fund jetës, duke u hedhur nga kati i 11-të i pallatit ku banonte.
Sipas informacioneve viktima është Adela Gjoka, e cila ndiqte vitin e fundit në fakultetin e Inxhinierisë së Ndërtimit në Tiranë.
Ditët e fundit vajza e re kishte shkuar në familjen e saj në Rrëshen pasi ndodhej në gjendje të rëndë shëndetësore.
Familjarët e saj janë shprehur për mediat se pak ditë më parë kishin shkuar dhe te mjekët për kontroll po asgjë nuk kishte ndryshuar.
Por mbrëmë rreth orës 23.00 ata kanë marrë lajmin më të dhimbshëm të jetës së tyre.
Shkaqet që e kanë shtyrë të renë Adela Gjoka të ndërmarrë aktin e rëndë mësohet se janë stresi nga provimet dhe gjendja e rëndë ekonomike.
Vetë i ati i Adelës punonte si roje në pallatin ku ata banonin, pasi dhe banesën i’ua kishte falur pronari sepse nuk kishin mundësi ekonomike.
Vdekja e saj ka tronditur fqinjët dhe gjithë qytetin e Rrëshenit.
Mësohet se përpara hedhjes vajza u mbyll në tualet dhe lidhi shami në sy, dhe britmat e saj i kanë tmerruar të gjithë banorët.
