Nesër protesta e madhe e banorëve të Astirit. Ja çfarë pritet të ndodhë

Një protestë e madhe paralajmërohet nesër nga banorët e Unazës së re. Ata kanë deklaruar se do të mblidhen te rrethrrotullimi i sheshit “Shqiponja”, që në orën 08:00 të mëngjesit.

Ky do të jetë reagimi i banorëve pas lajmit se punonjësit e IKMT-së do të zbresin në terren për të shembur banesat e radhës që janë parashikuar, sipas projektit të rrugës. Ata shprehen se nuk do të lejojnë prishjen e banesave të tyre.

Kujtojmë që pak ditë më parë, banorët e Unazës së re plagosën punonjësin e IKMT-së, Albert Bitraj, dhe tre punonjës të tjerë, duke i goditur me gurë dhe mjete të tjera të forta.