Në qeli për atentatin ndaj prokurorit Ndoja, ja çfarë vendosi Apeli i Krimeve të Rënda për Redjan Rrajën

Ditën e sotme Gjykata e Apelit për Krimet e Rënda ka vendosur të shqyrtojë ankimimin e bërë nga Redian Rraja ndaj vendimit të Shkallës së Parë që e kishte lënë në qeli gjatë hetimeve.

Por edhe Apeli ndoqi të njëjtën rrugë, duke lënë në fuqi të njëjtën masë sigurie “Arrest me burg”  për Redian Rrajën.

Redian Rraja akuzohet nga prokuroria si një nga personat që ka qëlluar në atentatin mafioz në drejtim të prokurorit të Durrësit Arian Ndoja, Aleksandër Lahos dhe shoferit që mbeti i pajetë Andi Maloku.

Nga ana tjetër edhe avokati i Redian Rrajës Besnik  Çerekja ka deklaruar se klienti i tij nuk është i përfshirë në ngjarjen kriminale.

“Nuk ka asnjë lidhje me ngjarjen, nuk ka asnjë lidhje me gjurmët e gishtave të pretenduara të gjetura te syzet dhe me të gjithë njerëzit e përfshirë në këtë histori”, u shpreh avokati.

Vetë Redjan Rraja ka pretenduar duke ngritur një alibi se ditën që ndodhi atentati ndodhej në durrës për shkak të punëve personale që kishte me makinën, duke i dhënë kështu një përgjigje Prokurorisë për akuzat e ngritura ndaj tij.