“Na preke në plagë të hapur” Rama bën paralajmërimin e fortë: Duan të shpëlajnë paratë e pista por nuk do i gëzojnë

Në takimin e platformës për bashkëqeverisjen, një qytetar ka treguar për problemin që ka në Kadastrën e Durrësit.

Kujtojmë se kjo është një nga temat më të nxehta kohët e fundit pas arrestimit t ëish-kryetarit të saj Liridon Pula dhe akuzave publike që janë ngritur për prokurorin Arian Ndoja, i cili mbeti i plagosur ditën e premte pas një atentati që iu bë në mbikalimin e Shkozetit.

Pasi qytetari shprehu problemin e tij, kryeministri Edi Rama bëri një parlajmërim të fortë se do të ketë një furtunë në të gjitha kadastrat e vendit dhe se do të clirojë atë nga rrethimi kriminal që ka nisur prej shumë vitesh.

Qytetari: Dërguam shkresën Kadastrës së Durrësit por përgjigja nuk erdhi. I shkruajta platformës edhe për 10 ditë u zgjidh problemi, sekuestri u hoq, prona është prapë e imja.

Rama: Falëminderit për praninë edhe pse na preke në një plagë të hapur që është Kadastra e Durrësit, por jam i bindur që ligji special kundër krimit të organizuar dhe masa speciale kundër KCK do e clirojnë përfundimisht edhe Kadastrën e Durrësit dhe gjithë kadastrat nga rrethimi kriminal që ka nisur prej shumë e shumë vitesh dhe që ne kemi arritur ta cajmë vetëm pjesërisht sidomos në zonat që kanë një interes zhvillimi turistik aty ku krimi i organizuar përpiqet të shpëlajë paratë e pista por nuk do i gëzojnë, nuk do i gëzojnë”.