“Mos ta përdorim politikisht” Basha urdhër të vetëve: Flisni me banorët, evidentoni dëmet

Me anë të një dokumenti, kryetari i Partisë Demokratike Lulzim Basha ka urdhëruar sot strukturat e PD që të ngrenë grupet e koordinimit në vendet që janë prekur nga tërmeti i fuqishëm i 26 nëntorit.

Ndër të tjera mësohet se Basha u ka kërkuar strukturave të partisë që të dalin të flasin vetë me banorët në terren dhe të evidentojnë dëmet nëpër shtëpitë e tyre.

Basha shkruan se kjo tragjedi nuk duhet përdorur politikisht dhe u ka kërkuar të vetëve që të shmangin protagonizmin dhe kamerat në takimin me banorët.