LIGJET E BIZNESIT
Ka mbërritur në Romë vogëlushi shqiptar Alvin Berisha, i cili u nxor 5 ditë më parë nga kampi Al-Hol në Siri.
Vogëlushi që u rrembye nga e ëma në dhjetor të vitit 2004 për t’u dërguar në kampin famëkeq më në fund është takuar me të atin dhe dy motrat.
Sipas mediave italiane Alvini u transferua me një fluturim të planifikuar Alitalia (AZ 827) menjëherë pas orës 07:00 në aeroportin e Romës, Fiumicino nga Beiruti.
Ai u prit në aeroport nga babai i tij Afrimi dhe dy motrat më të mëdha.
Kujtojmë që mamaja e Alvinit, Valbona Berisha përfundoi në Siri pasi ra në dashuri me një xhihadist nëpërmjet internetit.
Ajo u nis për në Siri së bashku me Alvinin, por më pas humbi jetën në një shpërthim së bashku me xhihadistin që e radikalizoi dhe një djalë tjetër që e lindën së bashku, ndërkohë që Alvini mbeti peng në kampin Al-Hol në verilindje të Sirisë, ku u gjet nga emisioni “Le Iene”.
