Gazetarja Klodiana Lala ka dhënë detaje mbi ngjarjen e 1 nëntorit ku prokurori Arjan Ndoja ka qenë objektiv i një atentati ndaj tij dhe për arrestimin e Redjan Rrajës si i dyshuar kryesor. Sipas gazetares tashmë është vërtetuar që gjurmët e gjetura në syzet e tij në makinën e braktisur janë të Rrajës.
E ftuar në “Real Story”, Lala u shpreh se Rraja ka pranuar që syzet janë të tij, por ka mohuar përfshirjen në atentat.
“Një palë syze të gjetura në makinën e braktisur kanë pasur shenja të gishtave të tij. Rraja e ka pranuar që syzet janë të tijat por që është shprehur se nuk ka lidhje me ngjarjen,”- tha gazetarja Klodiana Lala.
Ndërkohë Redjan Rrahja është arrestuar gjatë tentativës për tu larguar nga Mali i Zi. Ai është i dyshuari kryesor për atentatin ndaj prokurorit Ndoja.
