Alvin Berisha i ka dedikuar një mesazh të atit të tij Afrim Berisha, i cili edhe pasi i biri u mor dhe u dërgua nga nëna e tij 5 vite më parë në Siri, nuk reshti kurrë së kërkuari atë.
Alvin Berisha, djali 11-vjeçar shqiptar, i cili vetëm pak javë më parë u nxorr nga kampi famëkeq i Al Hol-it në Siri, i ka dedikuar fjalët më të bukura babait të tij, Afrimit.
Tashmë qe te dy ata menaxhojnë një rrjet social, Alvini ka nisur që të publikojë foto dhe video të ndryshme nga përditshmëria e tij tanimë që u kthye pranë gjirit të familjes.
Së fundmi ai i ka dedikuar një mesazh edhe të atit, i cili pasi Alvini u mor dhe u dërgua nga nëna e tij 5 vite më parë në Siri, nuk reshti kurrë së kërkuari atë.
“Si mburojën ma t’fort gjithmon pa dyshim i kisha zgjedh krahet e tu babi,”-thuhet në mesazhin që ka shpërndarë 11-vjeçari.
