LIGJET E BIZNESIT
Kryeministri shqiptar Edi Rama, ai serb Aleksander Vuçiç dhe kryeministrin e Maqedonisë së Veriut, Zoran Zaev janë takuar në orët e pasdites në Ohër, aty ku po mbahet samiti për zbatimin e katër lirive të Bashkimit Europian.
Mësohet se gjatë takimit është diskutuar për Mini Shengenin ballkanik. Gjithashtu, njoftohet se kryeministri Rama do të jetë i pranishëm në darkën e shtruar me këtë rast nga presidenti i Maqedonisë së Veriut, Stevo Pendarovski.
Sipas agjendës së shpërndarë nga Kryeministria, takimi zyrtar ditën e nesërme do të pasohet nga një konferencë për shtyp e parashikuar në orën 12:00.
Pas takimit të liderëve, do të vijojë mbledhja plenare ku liderët e Ballkanit Perëndimor do të takohen me përfaqësues të organizatave dhe institucioneve ndërkombëtare, si Banka Evropiane për ndërtim dhe zhvillim, Këshilli për bashkëpunim rajonal, Komisioni Evropian, Banka Botërore dhe Banka Evropiane e Investimeve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
