LIGJET E BIZNESIT
Publikohet pasuria e deputetëve të rinj për vitin 2017-2018, ndër ta edhe ajo e deputetes Rudina Hajdari.
Shifrat janë publikuar nga Open Data Albania.
Vihet re që një pjesë e pasurisë së saj është dhe në Shtetet e Bashkuara të Amerikës.
Sipas rubrikës “Para dhe Pushtet” publikohet pasqyra financiare e Hajdarit ku vihet re dhe bashkëshorti Mucjon Demiraj si një mbështetje e fortë.
Demiraj është pr pronar me 50 % të aksioneve i një godine me sip. 465 m2 në New Jork, USA, me vlerë 750 000 dollarë. Nga burri i saj deputetja ka marrë 10% të aksioneve dhe kapitalit të kompanisë ‘Wilcuma LLC’, aksione me vlerë neto prej 170 mijë dollarësh. Veç këtyre të ardhurave, deputetja Hajdari deklaron dhe të ardhurat nga rroga, si deputete në Kuvendin e Shqipërisë, prej 1 050 euro në muaj.
Gjithashtu ndër të tjera shihet se Rudina Hajdari ka për të paguar dhe një kredi studentore për shkollim Universitar të cilën e ka marrë në New York me shumën 10.000 dollarë, me normë interesi 5 % dhe me kohëzgjatje 10 vjet.
Po ashtu ajo ka dhe qera mujore që ia paguan të vëllait për apartamentin që banon në Tiranë.
Rezulton se qeraja është 300 dollarë në muaj dhe sipërfaqja e apartamentit është 80 m2 , pra gjithsej 3600 dollarë në vit.
