Mariza Ikonomi është një nga këngëtaret më të njohura dhe më të preferuara për publikun shqiptar.
Me zërin karakteristik dhe melodioz, Ikonomi tashmë prej vitesh ka zënë vend të rëndësishëm në tregun e muzikës shqiptare.
Por së fundmi , si rrallë herë ajo ka zgjedhur të flasë për jetën e saj private dhe dashurinë.
Në përgjithësi asgjë nuk është komentuar mbi jetën private të Marizës dhe asaj që ajo kërkon te mashkulli i saj ideal.
E ftuar në programin “Me Bledin” në RTSH për herë të parë Mariza ka treguar detaje mbi jetën e saj private.
“Shpresoj të mos kem lënduar, por me siguri do kem lënduar. Kam lënduar edhe njerëzit që kam dashur më shumë. Vetë qenia njerëzore dashje padashje lëndon. Dhe ndonjëherë lëndojmë njerëzit që duam më shumë. Sigurisht, edhe unë njeri jam, s’jam e rënë nga qielli, jam e sigurt që do kem lënduar në mënyrë të pavetëdijshme. Por unë di të them më fal”, tha Mariza.
Në një moment ajo u pyet gjatë rrëfimit nëse është përpjekur që të ndryshojë njerëzit që ka patur në krah, Mariza ka zgjedhur të përgjigjet duke treguar se ajo e dashuron dikë në mënyrën sesi ai është dhe nuk përpiqet aspak që ta ndryshojë.
Ndër të tjera ajo ka zbuluar se dikur ka pasur dikë në jetën esaj të cilin e ka dashur shumë por nuk kanë mundur të jetojnë bashkë.
“Asnjëherë sepse nëse dikush do më thonte ‘bëj kështu, bëj ashtu’, nuk do më pëlqente. Në asnjë lidhje timen nuk e kam ndryshuar tjetrin. Kur e dua dikë, e dua siç është. Të gjithë kemi të mira e të këqija. Unë mendoj që dy njerëz mund të jenë bërë për njëri-tjetrin, por nuk mund të jetojnë bashkë. Nuk ka rregulla në dashuri. Nuk do të thotë se ti ndahesh nga një person dhe nuk e dashuron më. Mund ta dashurosh gjithë jetën, por disa rrethana të bëjnë të mos përputhesh më. Mund të jem dhe unë që mund të kem pasur dikë që e kam dashur, por nuk mund të jetonim bashkë”, ka ‘hapur’ zemrën Mariza.
