E gjithë bota tashmë është me sytë nga Shqipëria, pas tërmetit të fuqishëm 6.4 ballë që goditi vendin, ku deri më tani janë shkaktuar 29 viktima dhe rreth 600 të plagosur.
Papa Françesku ka dërguar një telegram ngushëllimi për viktimat e tërmetit dhe familjarët e tyre nëpërmjet Sekretarit Kardinal të Shtetit Pietro Parolin.
Në telegramin e drejtuar presidentit Ilir Meta, thuhet se Ati i Shenjtë po lutet për shpirtrat e atyre që ndërruan jetë në këtë katastrofë natyrore.
Gjithashtu Papa Françesku po lutet dhe për personelin e ekipeve të emergjencës në përpjekjet e tyre të ndihmës.
“Unë jam afër viktimave, lutem për familjet që kanë vuajtur, Zoti e bekoftë këtë popull të cilin unë e dua aq shumë” shkruan Papa Françesku në telegramin e ngushëllimit.
