Gjyqtarja Arta Vorpsi e cila u betua një ditë më parë në zyrën e noteres ka mbërritur në Gjykatën Kushtetuese mëngjesin e sotëm.
Fill pas saj ka mbërritur edhe Marsida Xhaferllari, të cilën Meta e ka zgjedhur si anëtare të Gjykatës Kushtetuese.
Xhaferllari është futur në zyrë pa dhënë asnjë koment duke shmangur gazetarët ndërsa Vorpsi u shpreh vetëm më dy fjalë: Mos u lodhni kot.
Të dyja anëtarët e Gjykatës Kushtetuese e kryen betimin e tyre dje.
Arta Vorpsi u betua te noterja Miranda Xhemalce, duke sfiduar hapur presidentin Meta, i cili nuk ishte dakord me emërimin e saj por edhe ligjin, që parashikon se betimi duhet të bëhet përpara presidentit, duke krijuar kështu një akt të paprecedentë.
Në vend të Arta Vorpsit, Meta dekretoi Marsida Xhaferllarin, e cila është njëkohësisht partnerja dhe bashkëjetuesja e ish-deputetit të Partisë Demokratike Enkelejd Alibaj.
Ajo u betua mbrëmjen e djeshme në Presidencë.
