LIGJET E BIZNESIT
Gjykata e Krimeve të Rënda ka vendosur të lërë në burg të dyshuarin kryesor për atentatin ndaj prokurorit Ndoja, Redjan Rraja.
Gazetarja Klodiana Lala në një raportim live për ‘News24’ nga gjykata tregoi detaje nga ajo çka ndodhi sot në sallën e gjyqit. Gazetarja e kronikës pohoi se përmes avokatit të tij Besnik Çerekja, Rrahja ka mohuar kategorikisht që të ketë lidhje me atentatin ku mbeti i plagosur prokurori, shoferi, Andi Maloku dhe miku u tij, Aleksandër Laho (Pëllumb Muharremi) i njohur me nofkën ‘Rrumi’.
Mësohet se vet Rrahja nuk ka pranuar që të flasë në sallën e gjyqit, ndërkohë që për gjykatën arrestimi i tij ishte i ligjshëm. Mes të tjerash Lala ka arritur që të sigurojë dëshminë e të 34-vjeçarit dje në Drejtorinë e Policisë së Tiranës, ndërsa ka mohuar se ka lidhje dhe të jetë i përfshirë në ngjarjen e ndodhur më 1 nëntor. Ndërkohë, Krimet e Rënda urdhëruan arrestimin e Redjan Rrahjas, pasi në automjetin e braktisur të autorëve të atentatit, që u gjet i braktisur në Shkafan, u gjetën një palë syze ku rezultuan edhe shenjat e gishtërinjve të tij.
Deri më tani nuk ka persona të tjerë të arrestuar. Po ashtu, Gjykata për Krimet e Rënda ka urdhëruar një sërë kontrolle në banesa, si dhe ka autorizuar përgjimin e dhjetra telefonatave të personave të skeduar që mund të ketë dijeni për këtë ngjarje kriminale. Sot janë organizuar një sërë operacionesh në Lezhë, Shkodër, dhe Durrës. Burime për gazetaren Klodiana Lala thanë se dy persona konkretisht janë të dyshuar për atentatin, por ende nuk janë ndaluar. Redjan Rrahja, që rezulton të jetë nipi i deputetit të PS-së Rrahman Rrahja, rrezikon një dënim të ashpër nëse rezulton i implikuar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
