LIGJET E BIZNESIT
Ditën e sotme Komisioni i Pavarur i Kualifikimit (KPK) ka shkarkuar nga detyra prokurorin e Krimeve të Rënda, Përparim Kulluri.
Sipas arsyetimit të KPK , Kulluri ka qenë në kontakt me një person të inkriminuar, i cili rezulton i dënuar në Greqi për kultivim droge dhe i gjykuar në Shqipëri për tentative vrasje.
Përparim Kulluri , që është dhe prokurori i dosjes “Babale”, akuzohet se ka kaluar kufirin shqiptaro-grek me një automjet në pronësi të dënuarit me iniciale A.B.
Ndër të tjera, trupi gjykues që përbehej nga Lulzim Hamitaj, Olsi Komici, Brunilda Bekteshi, i vunë në dukje prokurorit deklarimin për një dyqan në Orikum, për të cilin dyshohet se Kulluri ka dashur të fitojë dëshmpërblim më të lartë prej shpronësimit.
Përparim Kulluri e ka nisur karrierën në drejtësi në vitin 2004. Nga viti 2008 deri në vitin 2013, Kulluri ka ushtruar detyrën e Kryeprokurorit të Shkodrës. Ish-presidenti i Republikës Bujar Nishani e riktheu Kullurin në Prokurorinë e Krimeve të Rënda në vitin 2013 me dekret të posaçëm.
