Kërkesa e Kejvina Kthellës, gjykata merr vendimin ‘me dorë të hekurt’ ndaj modeles

Ditën e sotme mësohet se Gjykata e Krimeve të Rënda ka vendosur që t’i kthejë celularin e sekuestruar modeles Kejvina Kthella.

Ajo u mor në pyetje për hetimet lidhur me atentatin e 1 nëntorit ndaj prokurorit të Durrësit Arian Ndoja.

Më herët kujtojmë se Kejvina, e cila ka patur komunikime të shpeshta me të dashurin e saj Redjan Rraja që ndodhet në burg si i dyshuar për atentatin mafioz, ka kërkuar që t’i kthehej celulari dhe të hiqej sekuestroja mbi llogarinë bankare dhe gjithashtu t’i lirohej makina e bllokuar.

Por kjo kërkesë nuk është marrë parasysh nga ana e gjykatës, dhe modeles i është kthyer vetëm celulari, pasi ky objekt tashmë nuk përbën më interes për hetimet edhe pas kqyrjes, ndërsa nga ana tjetër llogaria bankare dhe makina nuk i janë kthyer pasi dyshohet se ato janë përfituar nga aktiviteti i paligjshëm i Redian Rrajës.