Jo vetëm ‘Rama ik’ , ja thirrjet e tjera që i vunë kryeministrit përpara syve në stadium (FOTOT)

Mbrëmjen e djeshme në ndeshjen Shqipëri-Francë, ku u inagurua dhe stadiumi i ri “Air Albania” ishte i pranishëm dhe kryeministri Edi Rama.

Mirëpo shumë banderola nga ana e tifozëve ishin të drejtuara kundra tij.

Përveç parrullës dhe thirrjeve në kor “Rama ik” , nuk munguan as mesazhet për Kosovën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Një tjetër thirrje e fortë ishte ajo e grupit të njohur të tifozëve “Ilirian Elite” ku shkruhej “Hiqni duart nga Kosova”.

Ende nuk dihet se kujt specifikisht po ia kanë kërkuar tifozët shqiptarë që të heqë duart nga Kosova, por kujtojmë se kryeministri Edi Rama akuzohet se është pjesë e planit Thaçi-Vuçiç për shkëmbim territoresh midis Kosovës dhe Serbisë.

Një tjetër pankartë u shpalos dhe nga tifogrupi “Plisat” e Prishtinës ku thuhet “Drejtësi për Astritin”, aktivistin e Lëvizjes Vetëvendosje në Kosovë i cili humbi jetën në qelinë e burgut në rrethana ende misterioze.