Ish-deputetja tha se kishte humbur jetën, del foto nga spitali e banorit të Unazës së Re (EMRI)

Pas përplasjes mes banorëve dhe policisë ditën e sotme në aksionin për shembjen e banesave në Unazën e Re në kryeqytet, pati disa të plagosur.

Në një lidhje live, ish-deputetja e Partisë Demokratike Oriola Pampuri tha se njëri prej protestuesve kishte humbur jetën gjatë përleshjes me policinë.

Pampuri u shpreh se viktima quhej Mahmut Imallari dhe se trupi i tij ndodhej në morg.

Mirëpo mesa duket ky informacion nuk është i vërtetë.

Në foton e mëposhtme duket vetë banori Mahmut Imallari, i cili ndodhet në spitalin e Traumës.

Ai mbeti i lënduar gjatë përplasjes së banorëve më policinë, pas përpjekjes për të penguar shembjen e banesave që preken nga ndërtimi i rrugës së Unazës së Madhe.