I denoncuar nga Partia Demokratike për vjedhje votash në vitin 2015, kush është Gjergji Krygja

Vazhdojnë të dalin detaje të reja nga vrasja e 43-vjeçarit Gjergj Krygja me armë zjarri në Shkodër.

Ai ka qenë i akuzuar nga Partia Demokratike për vjedhje votash në zgjedhjet e vitit 2015. Atëherë Krygja ishte komisioner pikërisht  në qendrën e votimit për të cilën Eduard Halimi she LSI-ja denoncuan.

Denoncimi i PD-së

“PD publikon sot si provë se si pushteti masakroi standardin për zgjedhjet e lira. Në Pult të Shkodrës kutia 0092 është tejmbushur me vota nga komisionerët e PS dhe LSI. Në video duket qartë që gjatë procesit të votimit kanë mbushur duart me fletët e votimit. 2 komisionerët e PD janë nxjerrë forcërisht nga qendra e votimit. Rezultati i këtyre veprimeve verifikon tërësisht pretendimin e PD. Në kuti u gjetën 388 fletë kur në votim sipas procesverbalit kanë firmosur 377 persona. Në 2013 në këtë QV kanë marrë pjesë jo më shumë se 125 persona. Rezultati për këtë QV është Bazhdari 331 vota ose 88%, për kandidatin e pavarur 2 vota ndërsa për kandidaten fituese 44 vota. PD i bën thirrje prokurorisë të nisë menjëherë procedimin penal për komisionerët që mbushën kutitë e votimit. i bëjmë thirrje OSBE/ODIHR të marrë menjëherë këtë provë”, deklaronte asokohe deputeti demokrat.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern