LIGJET E BIZNESIT
Teksa në vend ditët e fundit po diskutohet gjerësisht aksioni i IKMT dhe policisë në Unazën e Re ku u shemben dhjetra banesa, ish-deputeti i Partisë Demokratike Klevis Balliu ka hedhur akuza të forta në drejtim të ministrit të Brendshëm Sandër Lleshaj.
I ftuar në programin “Open”, Balliu është shprehur se Lleshaj së bashku me të atin dhe vëllain kanë grabitur tokë shteti në Maminas.
Ndër të tjera Balliu shtoi se disponon prova ku shfaqi disa dokumenta të cilat sipas tij vërtetonin tjetërsimin e pronavë nga shtetërore në private në vitin 2015.
“Nuk ka projekt publik, nuk ta thotë askush as sa metra largohet. Tani do t’ju jap rastin më flagrant të mundshëm, Salillari ka fituar projektin, topografi i kësaj kompanie thotë se ka gabime të qëllimshme në projekt, dhe nuk ka emër as shënim nga ekspertët. Vlera ka shkuar 40 milionë euro se topografi nuk ekziston. Është kjo arsyeja pse Salillari doli në konflikt interesi dhe shkelje ligjore me INK. Salellari e paguan 50% tek aksi Milot-Morinë. Po dhunohen barbarisht me fëmijë e me të gjitha për të vjedhur para. Po e bëj premtim solemn, nëse një qeveritar më hedh poshtë një presje të vogël nga kjo që them, unë tërhiqem nga kjo kauzë.
Njeriu që hodhi gaz lotsjellës, është hajduti më i madh bashkë me babain dhe vëllain e vet. Kjo është tapia që ka Sandër Lleshaj në një tokë në Maminas, e bërë me qeverinë e Edi Ramës. Lleshaj ka pasur 1000 m2, është tokë e shtetit. Ky e ka bërë në 2015, nuk e di e ka bërë rrush apo hashash se ka qenë edhe koha e kanabisit. Njëra nga pasuritë e Sandër Lleshajt është 24 km nga Astiri që është një grabitje, i quan banorët e Astirit uzurpues, ky është uzurpues për vete. Për tokën që ka Sandër Lleshaj, vëllai i tij Ndue Lleshaj, është ja ku e keni, tokë shteti shkruhet. Në Astir po bëhen kulla, në vendet ku po shemben banesat e banorëve”, deklaroi Balliu nga studio.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
