Panairi i Librit ka çelur siparin më 13 nëntor ku ka pasur një fluks të madh shkrimtarësh. Duket se këtë vit konkurenca për librat më të suksesshëm për numrin e kopjeve të shituara, do ti fitojnë joshkrimtarët.
Stenda ku është libri i Arbana Osmanit “Receta për 5 minuta” ka një numër rekord të blerësve përpara autorit.
Po cili është libri më i shitur në panair?
Burimet thonë se është e vështirë të thuhet me saktësi, sidomos tani.
Kjo për shkak se botuesit japin shifra fiktive. Pas një muaji, kur dorëzohen faturat te tatimet, rezulton se numri është më i vogël.
Vetëm kur mbyllet panairi mund të ketë një bilanc paraprak. Numri zyrtar është ai që dorëzohet në Ministri të Financave, por sërish me rezerva.
Megjithatë burime të rezervuara thonë se sipas të dhënave të para, libri i Arbana Osmanit e parakalon atë të Fevziut.
Se kush do triumfojë në fund, ndoshta nuk do mësohet me saktësi, por për momentin duket se ‘Recetat’ janë shumë më mirë se ‘Nona’.
