Ditën e sotme policia ka arrestuar 3 persona për grabitjen e 110 milionë lekëve nga kasaforta e postës së Krujës tre ditë më parë.
Nuk bëhet ende i ditur identiteti i personave që kanë rënë në pranga.
Kujtojmë se në orët e para të mëngjesit të së hënës, persona të panjohur hynë në postën e Krujës dhe thyen kasafortën duke grabitur 110 milionë lekë, të cilat ishin në fondin e pensioneve.
Pas ngjarjes policia ka vënë fillimisht në pranga rojen e postës B.P dhe specialistin e Shërbimit Privat të Sigurisë Fizike, pasi akuzohet se nuk ka njoftuar uniformat blu pas grabitjes.
