Po bëhen me shumë se 72 orë dhe Kryeministri Edi Rama nuk ka zhvilluar asnjë aktivitet. Axhenda e tij ka qenë e ngjeshur, por të gjitha takimet janë shtyrë në një kohë të dytë e cila ende nuk është përcaktuar.
Gjithçka filloi me anullim e takimit me Degën e Partisë Shkdodër. Po ashtu Rama nuk ka zhvilluar dhe mbledhjen me Grupin Parlamentar, ku deputetët janë mbledhur në Kryesinë e Kuvendit, por kryetari i tyre nuk ka shkuar.
Një tjetër takim i rëndësishëm që Rama nuk ka zhvilluar këtë jave ka qenë dhe ai i bashkëqeverisjes me qytetarët, ku populli i thjeshtë tregon hallet live dhe të gjitha zgjidhen prej tij.
Megjithëse anulloi Shkodrën, konfirmoi Ministrinë e Bujqësisë, por krejt papritur e anulloi edhe atë. Sot për në orën 12:00 ishte parashikuar një tjetër takim i Ramës, por ky i fundit nuk shkoi. Minsitria e Bujqësisë do të zhvillonte një panair sot në kuadër të projektit IPARD, ku një ftesë kishte mbërritur në adresë të Kryeministrit. Prezenca e tij ishte konfirmuar nga Kryeminsitria, por sot u konfirmua dhe anulimi i pjesëmarrjes.
Ende nuk dihen arsyet e shtyrjes së takimeve nga Edi Rama, pasi ky i fundit nuk ka dhënë një deklaratë zyrtare. Dy javë më parë Rama anuloi dhe takimin me Presidentin e Maqedonisë së Veriut, Stevo Perandovski dhe nga kryeministria u tha se kishte probleme shëndetësore.
Të gjithë po presin një lajmërim nga Zyra e Shtypit e partise socialiste nëse është kjo për arsye shëndetësore apo për arsye të tjera.
Çfarë e ka detyruar Kryeministrin të anulojë takimet?
