“Furtunë mbi krimin dhe KÇK-të”, Rama bën paralajmërimin e fortë

Kryeministri Edi Rama përmes një mesazhi në “Twitter”, ka paralajmëruar se brenda muajit nëntor do të fillojë “furtuna mbi foletë e krimit dhe korbat e KÇK”.

Kreu i qeverisë njofton se e ka nisur ditën e sotme me grupin e punës për Ligjin Special kundër krimit të organizuar+masat kundër KÇK që po finalizohen në letër.

Ditën e sotme keru i qeverisë nuk ka qenë i pranishëm në mbledhjen e PS në Tiranë, të nismës “Ti Zgjedh”. Ai ka zgjedhur të reagojë nga rrjetet sociale.

Rama shkruan se “Kur dal përditë pse del përditë pse del përditë, kur s’dal ca ditë çfarë ka që s’del përditë, historia e vjetër hip se të vrava zbrit se të vrava”.

“Brenda nëntorit fillon furtuna mbi foletë e krimit dhe korbat e KÇK? Tani për Ohër ku nisin sot takimet për marrëveshjet e bashkëpunimit rajonal dhe nesër bëhet mbledhja e radhës ku janë ftuar të gjitha vendet e Ballkanit Perëndimor + partnerët europianë të nismave rajonale”, shkruan Rama