Furtunë arrestimesh në Gjirokastër, 11 persona përfundojnë në pranga, 4 të tjerë shpallen në kërkim

U deshën 6 muaj që policia e Gjirokastrës të përfundojë aksionin e gjerë, të koduar “Trekëndëshi”, janë arrestuar 11 persona, ndaluar 5 të tjerë, shpallur në kërkim 4 dhe proceduar 5.

Uniformat blu bëjnë me dije se personat e arrestuar akuzohen për kultivim të bimëve narkotike në qarkun e Gjirokastrës, ndërsa mes të arrestuarve është edhe organizatori dhe financuesi i grupit, që siguronte farat e kanabisit, 45-vjeçari B. S.

Sipas njoftimit të policisë gjatë gjithë kohëzgjatjes së zhvillimit të operacionit janë proceduar penalisht 25 shtetas, nga të cilët: 11 të arrestuar në flagrancë, 5 të ndaluar, 4 të shpallur në kërkim dhe 5 të proceduar në gjendje të lirë.

Nga kontrollet e ushtruara gjatë zhvillimit të operacionit është kapur dhe një shtetas i shpallur në kërkim nga Komisariati i Policisë Fier për “Prodhim dhe shitje të lëndëve narkotike”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern