Fshehu pasurinë, kryegjyqtari ngec në ‘rrjetën’ e Vettingut

Ditën e sotme Komisioni i Pavarur i Kualifikimit ka vendosur të shkarkojë nga detyra kryetarin e Gjykatës së Kukësit, Isuf Shehu.

Sipas arsyetimit të ILDKPI, kryegjyqtari ka fshehur një ndërtesë tre katëshe në Kukës dhe i ka kërkuar KPK-së përjashtimin e trupës gjykuese të përbërë nga Xhensila Pine, Brunilda Bekteshi dhe Suela Zhegu.

Shehu ka kërkuar dhe rihetim ndaj tij për anën profesionale dhe integritetin e figurës me argumentin se ishin bërë hetime të paplota.

Sipas të dhënave në ILDKPKI rezulton se subjekti Isuf Shehu ka vetëm një pronë të patundshme, shtëpinë ku ai jeton.

Ai ka deklaruar se duke qenë i pastrehë, Këshilli i Territorit Kukës i ka dhënë një shesh ndërtimi me sipërfaqe 2000 m2 për ndërtimin e një banesë. Vlera sipas tij shkonte në 2 milion lekë.  Por më vonë ai nuk ka deklaruar se sa i ka kushtuar shtëpia që ka ndërtuar në këtë shesh.