Fadroma po shembte shtëpinë, banorët e Astirit rrezikuan jetën

IKMT njoftoi zyrtarisht rreth orës 18:00 se aksioni për shembjen e banesave në zonën e Astirit përfundoi.

Në këtë aksion policia hodhi gaz, ushtroi dhunë dhe terror ndaj banorëve që bënë rezistencë kundër vendimit të bashkisë Tiranë për të prishur shtëpitë e tyre.

Duket se shembja e shtëpive nuk ka përfunduar ende në të vërtetë. Një qytetar ka nxjerrë “zbuluar” IKMT-në përmes një videoje të dërguar në redaksinë e JOQ, ku duken qartë fadromat që janë duke shembur një shtëpi dy katëshe.

Qytetari tregon se e ka filmuar videon disa minuta më parë, ndërkohë që banorët e shtëpisë që ishte duke u shembur ndodheshin brenda duke rrezikuar jetën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Edhe pse familjarët ishin brenda në banesë, punonjësit e IKMT-së nuk ngurruan aspak ta prishin objektin, duke zbatuar me përpikmëri urdhrin.

Mesazhi i plotë i qytetarit:

“Prsh joq. Para 30 min në Astir. Ishin dy familje brenda shpis kur shpia po prishej. Desh i zuri shpia posht per pak.”