EMRI/ Grabitet banesa e të dënuarit, ‘skifterët’ maskohen si policë dhe marrin kasafortën me 300 mijë euro

Gjatë natës që kaloi një banesë në Fushë-Milot ka rënë pre e grabitjes nga persona ende të paidentifikuar.

Bëhet me dije se tre persona të maskuar si policë kanë shkuar në banesën e një të burgosuri dhe kanë grabitur kasafortën së bashkku me disa sende të tjera me vlerë.

Banesa është në pronësi të Taf Shabanit, ndërkohë mësohet se vlera e sendeve së bashku me paratë shkon në 300 mijë euro.

Mësohet se në momentin e grabitjes, në banesë ndodhej vetëm nëna e të dënuarit.

Hajdutët e kanë mashtruar atë duke i thënë se janë efektivë policie dhe duhet të bëjnë një kontroll pasi djali ishte arratisur nga burgu.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nga ana tjetër e zonja e shtëpisë ka deklaruar se nuk i ka njohur autorët pasi nuk ka arritur t’i shohë pa syze.

Policia ka mbërritur në vendngjarje dhe po punon për identifikimin dhe arrestimin e autorëve.