E rëndë në Librazhd/ Bashkëshorti përvëlon me qumësht gruan 25-vjeçare

Një ngjarje e rëndë ka ndodhur në qytetin e Librazhdit ku një 25-vjeçare është djegur nga bashkëshorti i saj, me qumësht të valuar.

Nëna e dy fëmijëve ka rrëfyer edhe njëherë ngjarjen e rëndë dhe tregon se e gjithë ngjarja ka ndodhur rreth orës dy të natës, kur bashkëshorti i saj ka hyrë në dhomën e saj fshehurazi dhe i ka marrë nga portofoli paratë. Në momentin kur vajza ka ndezur dritën e celularit ai i ka hedhur në fytyrë qumështin e valuar.

“Ishte ora e 2 e gjysmë e natës. Unë isha te dhoma e gjumit me fëmijët në një krevat. E ndej që u mbyll dera e dhomës dhe fikën dritat dhe aty i tremba. Kur unë ndez dritën e telefonit ndez dritën për të shikuar. Sa  ndez dritën ai ma hedh tenxheren syve. Ai më kapi dhe më gjuajti. Më kishte marrë pasaportën dhe lekë që i mbaja në çantë. Në momentin kur hapën derën e shkallëve ai hidhet nga dritarja dhe ikën. “, tregon 25-vjeçarja.