E rëndë, gjendet trupi i pajetë i një vajze në plazhin e Durrësit

Ditën e sotme policia ka gjetur trupin e pa jetë të një vajze në bregdetin e Durrësit.

Sipas informacioneve paraprake vajza i përket moshës 25-35 vjeç.

Vajza është gjetur e mbytur pranë pistës “Kosova” ndërsa ka qenë policia kufitare që e ka nxjerrë në breg trupin e saj të pajetë.

Ende nuk dihet identiteti i viktimës, ndërkohë që trupi është dërguar në morgun e spitalit rajonal ku do i nënshtrohet ekspertizës për të zbardhur shkaqet e mbytjes.

Nuk dihet as koha kur ka ndodhur ngjarja tragjike.

Grupi hetimor dhe policia po punon për zbardhjen e plotë të rrethanave të ngjarjes së rëndë.