E rëndë/ Gjendet e pajetë regjisorja e njohur shqiptare

Regjisorja e njohur Arzana Kraja, vajza e kryetarit të Akademisë së Shkencave dhe Arteve të Kosovës, Mehmet Kraja është gjendur e pajetë në Prishtinë.

Lajmi është konfirmuar edhe nga policia e Kosovës dhe në informacionin zyrtar thuhet se trupi i pajetë është gjetur në lagjen Kalabria në Prishtinë.

“Me datën 13.11.2019 rreth orës 09:08 policia ka pranuar një informatë, për një trup të pa jetë në lagjen “Kalabria”, Prishtinë. Njësitë policore kanë dal menjëherë në vendin e ngjarjes, përfshirë edhe ekipin mjekësor të emergjencës të cilët kanë konstatuar vdekjen e personit të gjinisë femërore”.

Në lidhje me vdekjen e regjisores Arzana Kraja ka reaguar edhe Qendra Kinematografike e Kosovës ku ka shprehur ngushëllimet për ndarjen nga jeta parakohe të së resë.