Ditën e sotme Federata Shqiptare e Futbollit ka informuar opinionin publik nëpërmjet një njoftimi se ndeshja e kampionatit të femrave Vllaznia-Apollonia, e planifikuar për tu luajtur në stadiumin e ri kombëtar ditën e dielë më datë 3 Nëntor ora 19:00, do të spostohet për të dielën e ardhshme.
Shkak për këtë është bërë një rimbjellje e fushës për periudhën e dimrit, dhe pas konsultave me kompaninë greke që ka kryer shtrimin dhe mirëmbajtjen e tapetit të fushës u vendos që ndeshja të spostohet për të pasur një fushë në gjendje më optimal në prag të ndeshjes inaguruese më 17 nëntor kundër Francës..
“Duke kërkuar mirëkuptimin tuaj, dëshirojmë t’ju bëjmë me dije se biletat e shpërndara për ndeshjen testuese mund të përdoren në datë 10 Nëntor”, shkruhet në njoftimin zyrtar të FSHF-së.
