“E paedukatë”, Peza sherr me Lalën në emision, nuk duron gazetarja: Kërko falje!

Mbrëmjen e djeshme ka patur një përplasje në studio mes gazetares Klodiana Lala dhe ish-deputetit socialist Alfred Peza.

Teksa po diskutohej për atentatin që i ndodhi prokurorit Arjan Ndoja ditën e premte, Lala dhe Peza nisën të debatonin, ku për një moment ish-deputeti i ka thënë gazetares se po sillej si një e paedukatë.

Lala nuk e ka pritur aspak mirë këtë koment duke kërkuar kështu me insistim që Peza të kërkonte falje për atë që tha.

Klodiana Lala: Unë nuk mund të akuzoj kot. Është njësoj sikur unë të ngrihem tani dhe të them zoti Peza ju jeni kriminel.  Nuk mund ta bëj pa fakte. Po si ka mundësi që kryeministri i shqiptarëve nuk shkoi në Prokurori, Peza.

Alfred Peza: Klodi të lutem. Prokurori është shëmbëlltyrë e bashkëpunimit të drejtësisë me krimin e organizuar, po ta citoj.

Klodiana Lala: Unë e kuptoj se ju e mbroni për shkak të bindjeve tuaja politike. Unë e kuptoj pozicionin tuaj, por nuk është e ndershme që tu thuhet kështu shqiptarëve. Unë s’kam asnjë lloj pozicioni, unë jam gazetare zotëri.

Alfred Peza: Po të lutem tani se është kulmi i mungesës së edukatës pra, ç’është kjo tani.

Klodiana Lala: Këtë tërhiqe, duhet të kërkosh tani falje. Këtë mungesën e edukatës tërhiqe tani. Të lutem tërhiqe tani. Fred kërko falje.

Alfred Peza: Po ke ardhur për spektakël e për të plotësuar komplekset e tua, vijo. Kërko falje për të gjitha sjelljet e juaja ndaj meje që të kërkoj unë falje.