LIGJET E BIZNESIT
Pas tërmetit të 26 nëntorit, të burgosurit që vuanin dënimin te burgu i Durrësit për shkaqe sigurie janë transportuar në atë të Recit, kërkojnë që të dalin me leje dhe të ndihmojnë vullnetarisht nën mbikëqyrjen e policisë banorët e prekur.
Lajmin e ka bërë të ditur një nga të burgosurit.
Në një lidhje telefonike me Fax News, ai u shpreh se për shkak të festave këto ditë institucionet nuk punojnë, por në ditët në vijim do t’i bëjnë një kërkesë Drejtorisë së Përgjithshme të Burgjeve, që personat që nuk janë më rrezikshmëri të lartë të dalin t’i bashkohen popullit për të ndihmuar vullnetarisht.
“Jemi të gatshëm për të punuar vullnetarisht sidomos ne që kemi dënime të vogla të dalim dhe të ndihmojmë vullnetarisht. Ne do bëjmë një kërkesë do takojmë dhe drejtorin e burgut që të bëjmë një tip marrëveshje që të dalim t’i bashkohemi popullit tonë vullnetarisht. Ne jemi të gjithë si institucion burgu që e kemi planifikuar këtë gje dhe do i bëjmë një listë për personat me emrat dhe mbiemrat drejtorisë së Përgjithshme të Burgjeve kush nuk e ka këtë rrezikshmërinë e lartë dhe kush ka ndonjë dënim të lehtë që të jemi edhe në mbikëqyrje të policisë. Përafërsisht jemi 50-60 persona momentalisht. Ne kemi sigurinë per shmb ne kemi lejet dhe nuk e kemi rrezikshmërinë për t’u arratisur. Kemi pasur edhe këtu të dënuar që janë prekur nga tërmeti, prandaj dhe jemi prekur.” – tha i burgosuri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
