“Do të dhuroj 100 milionë lekë për familjet e prekura nga tërmeti”, deputeti socialist premton publikisht

Deputeti socialist dhe biznesmeni i njohur Vullnet Sinaj gjatë një ceremonie në Elbasan në kuadër të 75-vjetorit të Çlirimit të vendit, premtoi se do të dhurojë 100 milionë lekë për familjet e prekura nga tërmeti që shkatërroi mijera banesa në Durrës dhe u mori jetën 50 personave.

Deputeti socialist tha para të pranishmëve, se kushdo që është në gjendje të mirë financiare, mund të ndihmojë gjithmonë.

‘’Populli ka një shprehje: nga ai që ka, nuk vjen e keqja, por e mira. Kryetarit i them, veç asaj rrogës do të të japë dhe 100 milionë lekë nga llogaria ime personale. I lutemi Zotit të mos na vendosë bashkë më në prova të tilla kaq të rënda!’’, u shpreh Sinaj.