“Dil jashtë” Gjuzi sherr me Damian Gjiknurin, braktis mbledhjen: Nuk të njoh si kryetar

Mbledhja e sotme e Komisionit të Reformës Zgjedhore është shoqëruar me përplasje dhe debate të shumta.

Deputetja Rudina Hajdari njëkohësisht dhe bashkëkryetare në Komision ia ka dhënë fjalën përfaqësuesve të shoqërisë civile, ndërsa deputeti Kujtim Gjuzi ka kërkuar të marrë fjalën në ato momente.

Gjuzi ka pretenduar se do të fliste ai, ndërkohë që Damian Gjiknuri i ka thënë që ai nuk është anëtar dhe se mbledhja ishte me shoqërinë civile.

Por e menjëhershme ka qenë përgjigja e Gjuzit, i cili i është drejtuar Gjiknurit duke i thënë se nuk e njeh aspak si bashkëkryetar dhe se ai ka vjedhur votat.

“O Damian, o Damian, ti ke konflikt interesi se ke vjedhur vota. Nuk të njoh si bashkëkryetar të Komisionit.”

Ndërkohë që Gjinkuri ia ktheu:  “Dil përjashta se nuk je anëtar dhe në konflikt interesi me logjikën”.

PJESE NGA DEBATI

Hajdari: Fjalën e ka Shoqëria Civile.

Gjuzi: Do flas unë.

Gjiknuri: Nuk mund të flasësh ti, e ka radhën Shoqëria Civile.

Gjuzi: Nuk mund të kontrollosh ti, do flas se s’bën.

Gjiknuri: Nuk je anëtar ti, ca procedure thua.

Gjuzi: Procedura këtu do vijë se s’bën, se janë 44 parti që kanë sjellë draftin dhe e mbani dy vjet aty.

Gjiknuri: Nuk mund të marrësh fjalën.

Gjuzi: Unë nuk e njoh këtë komision me bashkëkryetar Damian Gjiknurin nuk e njoh 0mer dosjen, ngrihet nga vendi dhe del)

Gjiknuri: Ik dil jashtë. Ik je në konflikt me logjikën, të lutem tani, vazhdo tani,  hajde.

Gjuzi: Më thua mua nuk je anëtar ti.

Menjëherë pas debatit, Gjuzi ka braktisur mbledhjen e Reformën Zgjedhore.