Dhunoi barbarisht arbitrin gjatë ndeshjes, arrestohet baskebollisti i Tiranës (EMRI)

Një ditë pasi dhunoi me grushte arbitrin Jurgen Muho gjatë ndeshjes Teuta-Tirana, policia ka arrestuar basketbollistin ekipit kryeqytetas, Bruno Daliu.

Sipas njoftimit zyrtar, Policia e Durrësit bën me dije se është arrestuar në flagrancë shtetasi Bruno Daliu, 34 vjeç, banues në Tiranë.

Daliu është arrestuar me akuzën për veprën penale “Goditja e sportistit,trajnerit, arbitrit e ndërmjetësit sportiv”.

Uniformat blu theksojnë se 34-vjeçari gjatë ndeshjes së basketbollit Teuta-Tirana, zhvilluar në pallatin e sportit “Ramazan Njala”, ka goditur me grushta gjyqtarin e ndeshjes, shtetasin Jurgen Muho, 26 vjeç, banues në Tiranë.

Materialet i kaluan Prokurorisë së Rrethit Gjyqësor Durrës për veprime të mëtejshme.