Makina me të cilën udhëtonte prokurori Arian Ndoja ditën e atentatit i përket një biznesmeni të njohur në qytetin e Durrësit.

Mësohet se ai është Fadil Çalliku nga Xhafzotaj i Durrësit, ku automjeti me targë “AA 333 ZD” është regjistruar në emër të tij.

Kujtojmë se ky automjet u sulmua me breshëri automatiku, pasditen e 1 nëntorit, ku mbeti i plagosur prokurori Arian Ndoja dhe ‘i forti’ i Shijakut Landi Muharremi (Rrumi) si edhe humbi jetën shoferi Andi Maloku.

Burime nga prokuroria bëjnë me dije se ky automjet përdorej dhe nga bashkëshortja e prokurorit Arian Ndoja.

Ditën e sotme prokuroria e Krimeve të Rënda ka vendosur të marrë në pyetje Fadil Çallikun, i cili ka dhënë shpjegime se përse e kishte lënë makinën e tij në përdorim prokurorit Arian Ndoja.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndër të tjera biznesmeni u shpreh se njihej më herët me Ndojën dhe Muharremin.