Në një konferencë për media ditën e sotme, kryetarja e Komisionit Qendror Zgjedhor në Kosovë, Valdete Daka, ka shpallur zyrtarisht rezultatin e përfundimtar të zgjedhjeve të 6 tetorit.
“Shpallja vjen pas përfundimit të të gjithë procedurave”, u shpreh Daka.
Sipas rezultateve, koalicioni Nisma-AKR-PD nuk do te jete pjese e Kuvendit të Kosovës.
Përqindjet e subjekteve politike:
Lëvizja Vetëvendosje ka 26.159 për qind
Lidhja Demokratike e Kosovës: 24.458 për qind
Partia Demokratike e Kosovës: 21.163 për qind
AAK-PSD 11.477 për qind
Lista Serbe 6.754 për qind
Nisma-AKR-PD: 4.984 për qind.
Vetëvendosja përfundimisht ka 32 deputetë, LDK 29 deputetë, PDK 25 deputetë, AAK-PSD 14 deputetë, Lista serbe surprizon me 10 deputetë dhe Vakat 2 deputetë.
Pas shpalljes së rezultatit përfundimtar, Daka tha se subjektet politike dhe kandidatët kanë afat 24 orë për të paraqitur ankesat e tyre në Panelin Zgjedhor për Ankesa dhe Parashtresa i cili më pas ky institucion ka kohë 72 orë për të vendosur lidhur me ndonjë ankesë eventuale.
