LIGJET E BIZNESIT
Që në orët e para të mëngjesit të sotëm IKMT ka nisur punën për të shembur disa ndërtesa në zonën e Unazës së Re në Tiranë.
Gjatë aksionit pati edhe përplasje mes banorëve dhe punonjësve të policisë dhe si pasojë mbetën të plagosur 12 persona.
Shembja e banesave bëhet në kuadër të projektit të Unazës së Madhe Loti 1.
Bëhet me dije se deri tani janë shembur gjithsej 24 objekte.
Pamjet nga situata që po ndodh aktualisht te Unaza e Re, janë publikuar nga IKMT-
Në postimin e bërë në rrjetet sociale vjen edhe paralajmërimi i IKT ku thuhet: “Të 33 objektet do të prishen sot. Prej mëngjesit te sotëm IKMT ka nisur prishjen e 33 objekteve ne zonën e “Astir”. Deri në këto momente janë prishur 24 objekte, prej të cilave 8 objekte 2 katëshe, 4 tre katëshe dhe 12 nje katëshe. Objektet e tjera janë ne proces dhe do te prishen të gjitha brënda ditës së sotme”.
IKMT sqaroi me heret se “janë 33 objekte që do të prishen, prej të cilave 21 janë shpronësuar, ndërsa të tjërat janë skualifikuar nga procesi i legalizimit”.
